ការចូលរួមរបស់ពលរដ្ឋ និងកំណែទម្រង់
គោលដៅរួមនៃវិស័យការងារស្នូលទី៥ ការចូលរួមរបស់ពលរដ្ឋ និងកំណែទម្រង់ គឺពលរដ្ឋចូលរួមយ៉ាងសកម្មក្នុងលម្ហប្រជាធិបតេយ្យ ការអនុវត្តសិទ្ធិមនុស្សរបស់ខ្លួនដោយពុំមានការភ័យខ្លាចការយាយី ឬការរើសអើង។
សេចក្តីរំពឹងលទ្ធផលកម្រិតខ្ពស់ នោះគឺ
- ពលរដ្ឋយល់ដឹងអំពីស្ថានភាពសិទ្ធិមនុស្ស និងសេរីភាពមូលដ្ឋាននៅកម្ពុជា និងទទួលបានការលើកទឹកចិត្តឱ្យចាប់អារម្មណ៍អំពីស្ថានភាពសិទ្ធិមនុស្សបន្ថែមទៀត
- ពលរដ្ឋពីក្រុមគោលដៅត្រូវបានលើកទឹកចិត្តឱ្យចូលរួមក្នុងលម្ហប្រជាធិបតេយ្យឱ្យកាន់តែច្រើនឡើងៗ។
ក្នុងអំឡុងពេលនៃផែនការយុទ្ធសាស្ត្រមុន ការយល់ដឹងរបស់ពលរដ្ឋកម្ពុជាអំពីសេរីភាពមូលដ្ឋានមានការធ្លាក់ចុះស្របពេលដែលសិទ្ធិមនុស្សបានធ្លាក់ទ្រុឌទ្រោម។ ហេតុដូចនេះ ចាំបាច់ត្រូវតែពង្រឹងការយល់ដឹងដល់សាធារណជនអំពីសិទ្ធិមនុស្ស និងសេរីភាពមូលដ្ឋាន ហើយនិងការវិវឌ្ឍក្របខ័ណ្ឌច្បាប់ និងសកម្មភាពនានារបស់អាជ្ញាធរ។
ម.ស.ម.ក
មានគោលបំណងសម្រេចនូវលទ្ធផលនៅក្នុងវិស័យការងារស្នូលទី៥
តាមរយៈសកម្មភាពលើកកម្ពស់ការយល់ដឹង
និងលើកកម្ពស់ស្មារតីប្រកបដោយប្រសិទ្ធភាព។
ម.ស.ម.ក
នឹងប្រឹងប្រែងធ្វើយ៉ាងណាឱ្យពលរដ្ឋទូទៅមានការចាប់អារម្មណ៍លើបញ្ហាសិទ្ធិមនុស្ស
និងលើកទឹកចិត្តឱ្យពលរដ្ឋចូលរួមយ៉ាងសកម្ម
ពីព្រោះសិទ្ធិមនុស្សមានឥទ្ធិពលលើផ្លូវចិត្តរបស់មនុស្សគ្រប់រូប។
