វេទិកាសាធារណៈ
ម.ស.ម.កថតសំឡេងនៃរាល់សវនាការសហគមន៍ និងវេទិកាសាធារណៈ ។ បន្ទាប់មក អាត់សំឡេងនោះត្រូវបានធ្វើបណ្ណាធិកម្ម បំណងធានានូវគុណភាពសំឡេង និងត្រូវបានកាត់ចេញជាកម្មវិធីវិទ្យុចំនួន ៣ ដែលនីមួយៗមានរយៈពេលមួយម៉ោង សម្រាប់ចាក់ផ្សាយតាមស្ថានីយ៍វិទ្យុចំនួន ៧ នៅទូទាំងព្រះរាជាណាចក្រកម្ពុជា ។ កម្មវិធីវិទ្យុដែលមានរយៈពេលមួយម៉ោងទាំងនេះ រួមមានអាត់សំឡេងស្តីអំពីកិច្ចពិក្សា ដែលមានរយៈពេល ៥៥ នាទី និងអំពីកង្វល់របស់ប្រជាពលរដ្ឋថ្នាក់មូលដ្ឋាន ទាក់ទងនឹងបញ្ញត្តិនិងច្បាប់ផ្សេងរបស់កម្ពុជា ដែលមានរយៈពេល ៥ នាទី ។ នៅរៀងរាល់ថ្ងៃសៅរ៍ និងអាទិត្យ យើងមានកម្មវិធីផ្សាយផ្ទាល់តាមវិទ្យុដែលមានរយៈពេលមួយម៉ោង បន្ថែមមួយទៀត ដែលក្នុងនោះវាគ្មិនអញ្ជើញចូលរួម ពិភាក្សាអំពីការរំលោភសិទ្ធិមនុស្សនានា ព្រមទាំងដោះស្រាយចំពោះសំណួរខាងយុទ្ធសាស្ត្រនិងខាងច្បាប់ និងចំពោះកង្វល់ទាំងឡាយ ដែលត្រូវបានលើកឡើងដោយប្រជាពលរដ្ឋថ្នាក់មូលដ្ឋាន អំឡុងសវនាការសហគមន៍ ឬពេលខ្លះទៀតនោះ អំឡុងវគ្គបណ្តុះបណ្តាលសម្របសម្រួលដោយម.ស.ម.ក នៅក្នុងបរិបទនៃច្បាប់កម្ពុជា ។ សំឡេងថតនៃសវនាការសហគមន៍ និងវេទិកាសាធារណៈ ត្រូវបានចាក់ផ្សាយចំនួន ៣ ដង ។ សវនាការសហគមន៍ និងវេទិកាសាធារណៈ ជាញឹកញយ ត្រូវបានចាក់ផ្សាយផ្ទាល់ នៅតាម “វិទ្យុអាស៊ីសេរី”, “សំឡេងប្រជាធិប្បតេយ្យ”, និង “សំឡេងសហរដ្ឋអាមេរិក”។
