តម្លាភាព
មជ្ឈមណ្ឌលសិទ្ធិមនុស្សកម្ពុជា (ម.ស.ម.ក) ជាអង្គការមិនមែនរដ្ឋាភិបាល ឯករាជ្យ មិនចូលបក្សសម្ពន្ធ ដែលធ្វើការដើម្បីលើកកម្ពស់ និងការពារសិទ្ធិមនុស្ស ជាពិសេស សិទ្ធិពលរដ្ឋនិងសិទ្ធិនយោបាយ លទ្ធិប្រជាធិបតេយ្យ និងនីតិរដ្ឋនៅព្រះរាជាណាចក្រកម្ពុជា។
ចក្ខុវិស័យ
ចក្ខុវិស័យរបស់ ម.ស.ម.ក គឺចង់ឃើញប្រទេសកម្ពុជាមានសន្តិភាពដែលពលរដ្ឋគ្រប់រូបអាចទទួលបានសិទិ្ធមនុស្សមូលដ្ឋានដែលខ្លួនមានពីកំណើត ទទួលបាននីតិរដ្ឋដោយគ្មាននិទណ្ឌភាព ទទួលបានការគោរពស្មើភាពគ្នាដោយគ្មានការរើសអើង ទទួលបានការពង្រឹងភាពអង់អាចក្លាហានដើម្បីចូលរួមយ៉ាងពេញលេញក្នុងដំណើរការលទ្ធិប្រជាធិបតេយ្យ ព្រមទាំងទទួលបានចំណែកនៃ អត្ថប្រយោជន៍ពីការអភិវឌ្ឍសេដ្ឋកិច្ចប្រកបដោយនិរន្តរភាពរបស់ប្រទេសកម្ពុជា។
បេសកកម្ម
បេសកកម្មរបស់ ម.ស.ម.ក គឺលើកកម្ពស់ និងការពារសិទ្ធិមនុស្ស ជាពិសេស សិទ្ធិពលរដ្ឋ និងសិទ្ធិនយោបាយ លទ្ធិប្រជាធិបតេយ្យ និងនីតិរដ្ឋ ដើម្បីផលប្រយោជន៍ដល់ពលរដ្ឋគ្រប់រូបដែលរស់នៅក្នុងប្រទេសកម្ពុជា តាមការលើកកម្ពស់ស្មារតី និងពង្រឹងភាពអង់អាចក្លាហានដល់ពលរដ្ឋឱ្យយល់ដឹងអំពីសិទ្ធិ និងតស៊ូមតិដើម្បីសិទ្ធិរបស់ខ្លួន ព្រមទាំងការពារបុគ្គលទាំងឡាយដែលសិទ្ធិរបស់ពួកគេរងការរំលោភបំពាន។
គុណតម្លៃ
យើងរំពឹងថាបុគ្គលទាំងអស់នឹងមានគុណតម្លៃច្បាស់លាស់ដែលឆ្លុះបញ្ចាំងពីទស្សនៈវិស័យ និងគោលបំណង។ គុណតម្លៃទាំងនោះរួមមាន៖
សមភាព
យើងផ្ដល់តម្លៃដល់ការចូលរួមបែបចម្រុះ ប្រឆាំងការរើសអើង និងជំរុញឱ្យមានការយល់ដឹងពីកត្តាប្រសព្វ
សច្ចភាព
យើងផ្ដល់តម្លៃលើភាពមិនលំអៀង និងភាពស្មោះត្រង់ស្របតាមគោលការណ៍
សុចរិតភាព
យើងផ្ដល់តម្លៃលើភាពស្មោះត្រង់ និងការប្ដេជ្ញាចិត្ត
តម្លាភាព
យើងផ្ដល់តម្លៃចំពោះការបើកចំហ និងទំនួលខុសត្រូវ
ភាពច្នៃប្រឌិត
យើងផ្ដល់តម្លៃចំពោះគំនិតច្នៃប្រឌិតថ្មីៗ និងភាពបត់បែនក្នុងការផ្ដល់ដំណោះស្រាយបែបនវានុវត្តន៍
ផែនការយុទ្ធសាស្ត្រ ឆ្នាំ ២០២១ - ២០២៥
វិស័យការងារស្នូល
គោលបំណងនៃផែនការយុទ្ធសាស្ត្រ
- លើកកម្ពស់ការយល់ដឹង អំពីសិទ្ធិមនុស្ស និងការរំលោភបំពានសិទិ្ធមនុស្សដើម្បីឱ្យពលរដ្ឋ យល់ដឹងឱ្យកាន់តែប្រសើរឡើងអំពីសិទ្ធិរបស់ខ្លួននិងសិទ្ធិរបស់ អ្នកដទៃ។
- លើកកម្ពស់ស្មារតី និងបង្កឱ្យពលរដ្ឋទាំងអស់ចូលរួមឱ្យបានពេញលេញក្នុងនោះរួមទាំងស្រី អ្នកស្រឡាញ់ភេទដូចគ្នា យុវជន និងក្រុមដទៃទៀតដែលពុំទាន់មានភាពជាតំណាងគ្រប់គ្រាន់។
- ពង្រឹងភាពអង់អាចក្លាហានដល់បុគ្គល សហគមន៍ និងក្រុមងាយរងគ្រោះដើម្បីធ្វើការតស៊ូមតិទាមទារសិទ្ធិរបស់ខ្លួន។
- ថ្កោលទោស ចំពោះការរំលោភបំពានសិទ្ធិមនុស្ស និង ការរើសអើង គ្រប់ទម្រង់ ព្រមទាំងលើកកម្ពស់សមភាពឱ្យបានពេញលេញ។
- តស៊ូមតិក្នុងការទាមទារយុត្តិធម៌ ធ្វើការងារដើម្បី លុបបំបាត់ ករណី និទណ្ឌភាព ទាំងអស់ និងការពារអ្នកការពារសិទ្ធិមនុស្សនិងបុគ្គលទាំងឡាយដែលសិទ្ធិ របស់ខ្លួនរងការរំលោភបំពាន។
- តស៊ូមតិ ដើម្បីមានក្របខ័ណ្ឌច្បាប់មួយដែល គោរព ការពារ និងបំពេញសិទ្ធិមនុស្ស និងដើម្បីឱ្យមានការអនុវត្តក្របខ័ណ្ឌ ច្បាប់ឱ្យបានត្រឹមត្រូវ។
| ល.រ | ចំណងជើង | ឯកសារ |
|---|---|---|
| 1 | របាយកាណ៍ប្រចាំឆ្នាំ២០២២ របស់ ម.ស.ម.ក | ទាញយក |
| 2 | របាយកាណ៍ប្រចាំឆ្នាំ២០២១ របស់ ម.ស.ម.ក | ទាញយក |
| 3 | របាយកាណ៍ប្រចាំឆ្នាំ២០២០ របស់ ម.ស.ម.ក | ទាញយក |
| 4 | របាយកាណ៍ប្រចាំឆ្នាំ២០១៩ របស់ ម.ស.ម.ក | ទាញយក |
| 5 | របាយកាណ៍ប្រចាំឆ្នាំ២០១៨ របស់ ម.ស.ម.ក | ទាញយក |
| 6 | របាយកាណ៍ប្រចាំឆ្នាំ២០១៧ របស់ ម.ស.ម.ក | ទាញយក |
| 7 | របាយកាណ៍ប្រចាំឆ្នាំ២០១៦ របស់ ម.ស.ម.ក | ទាញយក |
| 8 | របាយកាណ៍ប្រចាំឆ្នាំ២០១៥ របស់ ម.ស.ម.ក | ទាញយក |
| 9 | របាយកាណ៍ប្រចាំឆ្នាំ២០១៤ របស់ ម.ស.ម.ក | ទាញយក |
| 10 | របាយកាណ៍ប្រចាំឆ្នាំ២០១៣ របស់ ម.ស.ម.ក | ទាញយក |
